Ikuskizuna

Zirku-ikuskizuna antzerki-eduki garrantzitsuarekin. Istorio honek gaur egungo gizartean komunikazioaren beharrean oinarritzen da, teknologia berriak izan arren, gizarte gero eta berekoiagoa izanik.

Pertsonaia guztiak leku berean bizi dira, lur berdina zapaltzen dute, eta euren artean desberdinak izan arren gizarte berekoak dira. Hala ere, arrazoi batzuengatik ez dira euren artean aurkitzen, aldendu egiten dira, bikoteak urruntzen dira, ez dira euren artean komunikatzen eta ez dute zubirik eraikitzen eta alienazio zapaltzailea nagusitzen da.

Horietako pertsonaia batek bere bizitzaren estutasunarekin amaitzeko, umorea eta sormena erabiliz, ikuskizunari buelta ematen dio bide baikor eta itxaropentsu batetik eramanez. Honek lortuko du pertsonaien artean adiskidetasuna  sortzea eta ikuskizunean zehar sortzen diren arazoak denon artean konpontzea.

Oso interesgarria da egoera hauek transkribitzea  zirku antzezpen eta pertsonaia arrunt eta argien bidez, jendeari ezagunak egiten zaizkion pertsonaia unibertsalen bidez.

Istorio bat kontatuko dugu hitzik erabili gabe, irudi, musika eta betiko komeria fisikoaren bidez. Euskaraz erabiliko diren hitz gutxi batzuk ulergarriak izango dira keinuen bidez.

Ikuskizunaren antzerkigintzak indarra egiten du zirkuko artisten aukeretan, eta euren abileziei esker kontatuko dugun istorioa goraipatzen saiatuko dira. Espazio eszenikoa eta publikoa ezartzen den lekua istorioaren ikuskizunaren parte izango dira.  Ondo definitutako pertsonaiak, euren ohitura eta obsesioekin, musika eta zirkuaren bidez emozioak transmitituko dituzte, publiko guztiarentzako ulergarriak izango direnak.

LURRAK S

LURRAK C